तनहुँ । जेठ ७

व्यास नगरपालिका पुर्ण खोप सुनिश्चित पालिका घोषित भएको छ । बुधबार नगरपालिकामा आयोजित कार्यक्रममा पुर्ण खोप सुनिश्चित पालिका घोषणा गरिएको हो ।

‘स्थानीय स्वामित्व र सहभागितामा पूर्ण खोप सुनिश्चितता हाम्रो प्रतिबद्धता’ भन्ने नाराका साथ सन्चालित अभियानको क्रममा पूर्ण खोप पालिका सुनिश्चितता गर्ने सम्पूर्ण प्रक्रियाहरु पुरा गरि व्यास नगरपालिकामा जेठ ८ गते का दिन सम्म १६ महिना देखि २३ महिना सम्मका सबै बालबालिकाहले १५ महिनाको उमेरभित्र पूर्ण खोप पाएको सुनिश्चित गरिएको नगरपालिकाले जनाएको छ ।

उक्त कार्यक्रममा उपस्थित अतिथीहरु, नगरपालिकाका जनप्रतिनिधिहरु, राजनीतिक दलका पदाधिकारीहरु, स्वास्थ्यकर्मी, शिक्षक एवं विद्यार्थी, महिला सामुदायिक स्वास्थ्य स्वयंसेविका, आमा समूह, महिला, मजदुर, व्यापारी, जनजाती, दलित, अपाङ्ग सञ्जाल लगायतले आगामी दिनमा समेत खोप अभियानको दिगोपना कायम राख्ने प्रतिबद्धता पत्रमा हस्ताक्षर गरेका थिए ।