तनहुँ । असार ८
नेपाल राष्ट्रिय शिक्षक संगठनको राष्ट्रिय समिति सदस्यमा रघुनाथ पण्डित निर्वाचित भएका छन् । संगठनको काठमाडौंमा सम्पन्न १४ औं महाधिवेशनबाट पण्डित गन्डकी प्रदेशको भुगोलबाट राष्ट्रिय समिति सदस्यमा निर्वाचित भएका हुन् ।
निर्वाचनमा पण्डितले २७५ मत ल्याएका थिए । पण्डितसँगै बिजयी भएका राजु थापाले २४१ पाई बिजयी भएका छन् । पण्डित नेपाल राष्ट्रिय शिक्षक संगठन तनहुँका पुर्व अध्यक्ष हुन् । उनी व्यास नपा १२ स्थित अमरज्योती माविका प्रअ समेत हुन् ।
महाधिवशेनबाट संगठनको अध्यक्षमा हंसबहादुर शाही, वरिष्ठ उपाध्यक्षमा जंगबहादुर गर्बुजा, उपाध्यक्षद्वय अम्बिका चापागाईं र गोविन्द भण्डारी, महासचिव प्रकाश खनाल, उपमहासचिवमा श्रीराम दाहाल, सचिवद्वयमा वामदेव सुवेदी र वेणु काफ्ले निर्वाचित भएका छन् ।
