तनहुँ । साउन २८
म्याग्दे गाउँपालिकाले समाजसेवी तथा बाल मनोविज्ञ सूचिकृत गर्ने भएको छ । गाउँपालिकाले हालै सुचना प्रकाशित गरि समाजसेवी र बाल मनोविज्ञ सुचिकृतको लागि आह्वान गरेको छ ।
म्याग्दे गाउँपालिकाको बाल अधिकार संरक्षण तथा सम्वद्र्धन सम्बन्धी एकिकृत कार्यविधि, २०८२ को दफा २५ बमोजिम देहायका योग्यता भएको समाजसेवी तथा बाल मनोविज्ञले आवश्यक कागजात सहित सुचना प्रकाशन भएको मितिले २१ भित्र रितपुर्वक निबेदन दिन गाउँपालिकाले आह्वान गरेको छ ।
समाजसेवीको रूपमा सूचिकृत हुनको लागि मान्यताप्राप्त शैक्षिक संस्थाबाट सम्बन्धित विषयमा स्नातक गरेको वा कम्तिमा प्रमाणपत्र तह/१०+२ कक्षा उत्तीर्ण गरी सामाजिक कार्य सम्बन्धी विषयमा कम्तीमा १ महिने तालिम प्राप्त गरेको तथा बाल मनोविज्ञको रूपमा सूचिकृत हुनको लागि मान्यता प्राप्त शैक्षिक संस्थाबाट मनोविज्ञ वा सम्बन्धित विषयमा स्नातक गरेको वा कम्तिमा प्रमाणपत्र तह/१०+२ कक्षा उत्तीर्ण गरी मान्यता प्राप्त निकाय वा तालिम प्रदायक संस्थाबाट मनोविज्ञान सम्बन्धमा कम्तीमा १ महिनाको तालिम प्राप्त गरेको हुनुपर्ने गाउँपालिकाले प्रकाशित गरेको सुचनामा उल्लेख छ ।
