तनहुँ । कार्तिक २३
दुलेगौंडा खानेपानी तथा सरसफाई उपभोक्ता समितिको ३३ औं वार्षिकोत्सव एवम् एघारौं वार्षिक साधारणसभा सम्पन्न भएको छ । दुलेगौंडामा शनिवार सम्पन्न साधारणसभाको उद्घाटन गर्दै शुक्लागण्डकी नगरपालिकाका नगर प्रमुख कृष्णराज पण्डितले सरकारले गर्नुपर्ने कार्य उपभोक्ता समितिले गरेको भन्दै खानेपानीको उपलब्धता दिगो बनाउनुपर्नेमा जोड दिए ।
उपप्रमुख खुम बहादुर विक राजुले मानवीय गतिविधिका कारण पानीको मुल सुक्दै गएको बताउदै आम उपभोक्ता सचेत हुनुपर्ने उल्लेख गरे । समितिका अध्यक्ष राजुराम श्रेष्ठको अध्यक्षतामा भएको कार्यक्रममा वडा नम्बर ४ का अध्यक्ष राज कुमार वाग्ले, पूर्व अध्यक्ष शिव कुमार श्रेष्ठ, पूर्व उपाध्यक्ष लक्ष्मी सिग्देल, आन्तरिक लेखा समिति संयोजक ज्ञान नारायण श्रेष्ठ लगायतले बोलेका थिए ।
उपाध्यक्ष मिठुमाया राना थापाले स्वागत गरेको कार्यक्रममा कोषाध्यक्ष बेल बहादुर श्रेष्ठले कोषाध्यक्षको प्रतिवेदन र सञ्चालन सचिव जगदिश गौतमले गरेका थिए । समिति अन्तर्गत हाल ९ सय ३० धाराहरु जडान गरिएको छ ।
