तनहुँ । मंसिर १
तनहुँकी चेली लोकदोहोरी गायिका सबिता परियारको स्वरमा नयाँ पञ्चेबाजाको गीत सार्वजनिक भएको छ । तनहुँको चर्चित धार्मिक स्थल थानीमाईको नाममा गायिक सबिता परियारले पञ्चेबाजा भाकामा ‘तनहुँकी थानी…’ गीत सार्वजनिक गरिएकी हुन् ।
शनिबार साँझ गायीका सबिता परियार अफिसियल युट्युब च्यानल मार्फत सार्वजनिक गरिएको गीतमा पुरुष स्वर गायक बिवेक धितालको रहेको छ भने गीतको शब्द र लय पनि उनै गायक धितालकै रहेको छ ।
थानीमाईको मन्दिरमै निर्माण गरिएको गीतको म्युजिक भिडियोमा गायक बिवेक धिताल र गायीका सबिता परियार बाहेक सगरिका कुँवर, रबिन एसके र सरिष्मा थापाले अभिनय गरेका छन् भने भिडियोको निर्देशन समिर रामदामले गरेका छन् ।
