तनहुँ । मंसिर २
म्याग्दे गाउँपालिकाको आयोजनामा सातौं राष्ट्रपति रनिङसिल्ड विद्यालय स्तरीय खेलकुँद प्रतियोगिता मंगलबार सुरु भएको छ । म्याग्दे गाउँपालिका–२ दम्सेरामा आयोजित उक्त प्रतियोगिताको गाउँपालिकाका अध्यक्ष श्रीप्रसाद श्रेष्ठले उद्घाटन गरे ।
प्रतियोगिता उद्घाटन कार्यक्रममा गाउँपालिकाका अध्यक्ष श्रेष्ठ, उपाध्यक्ष बालकृष्ण घिमिरे, प्रमुख प्रशासकीय अधिकृत नारायणप्रसाद अधिकारी, वडा अध्यक्षहरु, विभिन्न राजनीतिक दलका प्रतिनिधिहरुले शुभकामना मन्तव्य राखेका थिए ।
बुधबारसम्म चल्ने उक्त प्रतियोगितामा म्याग्दे गाउँपालिकामा रहेका मावि स्तरीय सामुदायिक तथा नीजि विद्यालयहरुको सहभागिता रहेको छ । प्रतियोगितामा विभिन्न बिधामा प्रतिश्पर्धा हुनेछ ।
