मंसिर १९ चितवन ।
भरतपुर वडा नं २२ पदमपोखरीमा रहेको एभरेष्ट एकेडेमीले शिक्षक अभिभावक अन्तरक्रिया कार्यक्रम शुक्रबार सम्पन्न गरेको छ ।
विद्यालयका शिक्षक अभिभावक संघका अध्यक्ष चन्द्रमणी सुवेदीको अध्यक्षतामा सम्पन्न भएको कार्यक्रममा चितवनका पूर्व अध्यक्ष एवम् भरतपुर प्याब्सनका संस्थापक अध्यक्ष टीकाराम चापागाईंको प्रमुख आतिथ्यता रहेको थियो ।
कार्यक्रममा प्रमुख वक्ताका रुपमा समेत रहनुभएका प्रमुख अतिथि टीकाराम चापागाईंले कार्यक्रममा ‘अभिभावन शैली’ मा प्रशिक्षण प्रदान गर्नुभएको थियो ।
विद्यालयका प्रिन्सिपल प्रशान्त गिरीले विद्यालय र अभिभावक बिचको दुरी कम गर्दै शिक्षक, विद्यार्थी र अभिभावकको सहसम्बन्धले नै सिकाइमा सुधार ल्याउनका लागि कार्यक्रम आयोजना गरिएको बताउनु भयो । विद्यालयका शिक्षक अभिभावक संघका अध्यक्ष चन्द्रमणी सुवेदीले अभिभावक र विद्यालय बिचको कार्यक्रम अर्थपूर्ण भएको बताउँदै कार्यक्रममा उपस्थित हुने सम्पूर्णमा धन्यवाद व्यक्त गर्नुभयो ।
कार्यक्रममा विद्यालयका भाइस प्रिन्सिपल सरोज थपलियाले कार्यक्रममा विद्यालयको शैक्षिक प्रतिवेदन प्रस्तुत गर्नुभएको थियो ।
