देवघाट । पुस ७
इलाका प्रहरी कार्यालय देवघाटले नदीजन्य पदार्थ अबैध रुपमा उत्खनन गर्ने तिनवटा ट्याक्टर नियन्त्रणमा लिएको छ ।
देवघाट गाउँपालिका वडा नम्बर ५ गाईघाट स्थित त्रिशुली नदीबाट नदीजन्य पदार्थ अबैध रुपमा उत्खनन तथा ओसार पसार गरेको ना ६ त ९६२७ र म.प्र.०३–००१ त ८३२४ नम्बरको दुई वटा ट्याक्टरलाई गत शनिबार र वडा नम्बर ५ को कालिमाटी स्थित त्रिशुली नदीबाट अबैध उत्खनन तथा ओसार पसार गरेको बा.प्र.०३–००१ त ०१६१ नम्बरको ट्याक्टरलाई सोमबार नियन्त्रणमा लिएको इलाका प्रहरी कार्यालय देवघाटले जनाएको छ ।
अबैध रुपमा नदीजन्य पदार्थ उत्खनन गरि ओसार पसार गरेको भन्ने स्थानीयको सुचनाको आधारमा गाईघाटबाट र कालिमाटीबाट गस्तीको प्रहरी टोलीले फेला पारी नियन्त्रणमा लिएको इप्रका देवघाटका इन्चार्ज सई शिव थापाले जानकारी दिए ।
गाईघाटबाट नियन्त्रणमा लिईएको ट्याक्टरबाट आइतबार तथा कालिमाटीबाट नियन्त्रणमा लिईएको ट्याक्टरधनीबाट सोमबार देवघाट गाउँपालिकाको कार्यालय मार्फत जनही १५ हजार गरि कुल ४५ हजार रुपैयाँ राजश्व असुल गरि छाडिएको सई थापाले जानकारी दिए ।
