तनहुँ । पुस १९
गत पुस १३ गते बिहान आफ्नै घरबाट हराएकी भानु नपा–५ बारीफाँटकी सुष्मा पौडेलको शव मस्र्याङदी नदीमा भेटिएको छ ।
शनिबार दिउँसो १२ बजेको समयमा आँबुखैरेनी गापा–१ सत्रसयफाँट स्थित मस्र्याङदी नदीको बिचमा लास रहेको भन्ने स्थानिय मार्फत इलाका प्रहरी कार्यालय आँबुखैरेनीमा जानकारी प्राप्त भएपछि प्रहरी निरिक्षक प्रदिप सुवेदीको कमाण्डमा खटिएको ९ जनाको टोलीले उक्त लाश नदीबाट निकालेको थियो ।
लाशको पहिचान गरि प्रारम्भिक घटनास्थल मुचुल्का पश्चात मृत लाश पोष्टमाटर्मको लागि प्रादेशिक अस्पताल दमौली तनहुँको शव गृहमा राखिएको प्रहरीले जनाएको छ । आईताबार पोष्टमार्टम पश्चात शव आफन्तलाई बुझाईने प्रहरीको भनाई छ ।
