तनहुँ । पुस २४
म्याग्दे गाउँपालिकामा गत आइतबारदेखी आयोजित निशुल्क दन्त परिक्षण शिविर विहिबार सम्पन्न भएको छ । म्याग्दे गाउँपालिका र नेलम्बो नेपाल कास्की पोखराको आयोजना एवं वडा नम्बर २ कार्यालयको व्यवस्थापन तथा समाज कल्याण परिषदको समन्वयमा वडा नम्बर २ स्थित जामुने स्वास्थ्य चौकीमा उक्त दन्त परिक्षण शिविर आयोनजा गरिएको थियो । उक्त शिविरको म्याग्दे गाउँपालिकाका अध्यक्ष श्रीप्रसाद श्रेष्ठले उद्घाटन गरेका थिए ।
शिविर अवधिभर ९२३ जनाको दन्त परिक्षण गरिएको गाउँपालिकाका स्वास्थ्य शाखाका प्रमुख तिलकराज घिमिरेले बताए । शिविरमा दाँतको आरसिटि लगायतको सेवा उपलब्ध थियो । शिविरमा दन्त चिकित्सक सहित ७ जना स्वास्थ्यकर्मीले स्वास्थ्य परिक्षण गरेका थिए ।
