काठमाडौं । पुस २६
उज्यालो नेपाल पार्टीको संरक्षक रहेका कुलमान घिसिङ अध्यक्ष नियुक्त भएका छन्।
रास्वपासँगको एकता अघि नबढ्ने भएपछि शनिबार बसेको केन्द्रीय समितिको बैठकले उनलाई अध्यक्ष नियुक्त गरेको हो। त्यस्तै यसअघिका अध्यक्ष अनुपकुमार उपाध्याय संरक्षक बनेका छन्।
यसैविच उज्यालो नेपाल पार्टीका अध्यक्ष कुलमान घिसिङले राष्ट्रिय स्वतन्त्र पार्टी रास्वपा ले एकतर्फी रूपमा एकता भङ्ग गरेको दाबी गरेका छन् । शनिबार साँझ पार्टी कार्यालयमा आयोजित पत्रकार सम्मेलनमा उनले रास्वपाले एकतर्फी रूपमा एकता भङ्ग गरेको बताएका हुन् ।
उहाँहरूले एकतर्फी रूपमा एकता भङ्ग गर्नुभयो, उनले भने, हाम्रा मागहरू पनि केही थिएनन्, साथीहरूले पनि चित्त बुझाउनु भएकै थियो । तर एकता कायम राख्न सकिएन ।
पुस १४ गते लिखितमा मात्रै नभएर मौखिक सहमति पनि भएका उनले बताए । ‘एकीकरण प्रक्रियालाई कसरी कार्यान्वयन गर्ने भन्ने धेरै अलिखित सहमति थिए । त्यो सहमतिमा हाम्रो कुनै ठूलो किसिमको माग पनि थिएन । छिटोभन्दा छिटो कार्यान्वयन गर्दै जाउ भन्ने हाम्रो माग थियो, तर सम्भव भएन,’ उनले भने ।
