तनहुँ । पुस २६
जिल्ला प्रशासन कार्यालय तनहुँले तनहुँ जिल्ला भित्र रहेका इजाजत प्राप्त तथा अबैध हतियारहरु बुझाउन सर्वसाधरणमा अनुरोध गरेको छ । प्रशासनले शुक्रबार सुचना प्रकाशित गरि आगामी प्रतिनिधि सभा सदस्य निर्वाचन, २०८२ लाई निष्पक्ष, भयरहित र विश्वसनीय वातावरणमा सम्पन्न गर्न सर्वसाधारणसँग रहेका सबै प्रकारका हतियार बुझाउन अनुरोध गरेको हो ।
जिल्ला सुरक्षा समिति, तनहुँको मिति पौष २४ गतेको निर्णयानुसार प्रशासनले शुक्रबार एक सार्वजनिक सूचना जारी गर्दै यस्तो आग्रह गरेको हो । व्यक्तिगत वा व्यावसायिक सुरक्षाका लागि नेपाल सरकारबाट अनुमति प्राप्त गरिएका इजाजत प्राप्त हतियारहरू र अवैध रूपमा राखिएका हतियारहरू आगामी माघ १५ गतेभित्र नजिकको प्रहरी चौकी वा कार्यालयमा बुझाउन प्रशासनले अनुरोध गरेको छ ।
तोकिएको समयभित्र त्यस्ता हतियार नबुझाएको पाईएमा प्रचलित कानुन बमोजिम कारवाही हुने जिल्ला प्रशासन कार्यालयका प्रशासकीय अधिकृत विकास श्रेष्ठद्वारा प्रकाशित सुचनामा जनाईएको छ ।
