तनहुँ । पुस २८
तनहुँ उद्योग वाणिज्य संघको अध्यक्षमा हालका बरिष्ठ उपाध्यक्ष इमकुमार मल्ल निर्विरोध निर्वाचित हुने भएका छन् । संघको विधान अनुसार बरिष्ठ उपाध्यक्ष नै संघको अध्यक्ष बन्ने हुँदा आइतबारदेखी आयोजित अधिवेशनमा अध्यक्ष पदमा मल्लको मात्रै उम्मेदवारी परेको छ ।
संघको सबैभन्दा चासोको रुपमा रहेको बरिष्ठ उपाध्यक्षमा हालका प्रथम उपाध्यक्ष कुमार मल्ल र महासचिव सुवोध अधिकारीको उम्मेदारी परेको छ । त्यस्तै एक जना प्रथम उपाध्यक्षको लागि दिनेशकुमार श्रेष्ठ, शुरेश पुरी र दिपक कोईरालाको उम्मेदवारी परेको छ ।
यसैगरि एक जना द्वित्तिय उपाध्यक्षमा प्रकाशचन्द्र हड्खले, राजकुमार श्रेष्ठ र भिमलाल श्रेष्ठ र एक जना कोषाध्यक्षमा शिवओम मल्ल, भुपाल आले र महेशकुमार मल्लको उम्मेदवारी परेको छ । त्यस्तै एक जना बस्तुगत सदस्यकोलागि अधिकृत विक्रेता संघका लालप्रसाद प्रधान, पुस्तक तथा स्टेशनरी व्यववसायी संघका रामचन्द्र सापकोटा र सुनचाँदी व्यवसायी संघका हरि गहतराजको उम्मेदवारी परेको छ । एक जना एसोसियट्स सदस्यको लागि भने कुनै पनि उम्मेदवारी नपरेको निर्वाचन संयोजक सरिता भण्डारीले बताइन् ।
संघका सदस्यहरु भने विभिन्न बजार इकाईबाट निर्वाचित भएका जिल्ला प्रतिनिधि नै हुन्छन् । संघको पदाधिकारीमा सहमती नभए मंगलबार निर्वाचन हुने जनाईएको छ ।
