तनहुँ । पुस २९
तनहुँ उद्योग वाणिज्य संघको सबै पदहरुमा सर्वसम्मत भएको छ । गत पुस २७ गतेदेखी सुरु भएको संघको १८ औं अधिवेशनबाट इमकुमार मल्लको अध्यक्षतामा संघको नयाँ कार्य समित सर्वसम्मत रुपमा चयन गरिएको छ । मल्ल यसअघि संघको बरिष्ठ उपाध्यक्ष थिए । संघको विधान अनुसार बरिष्ठ उपाध्यक्ष नै अधिवेशनपछि अध्यक्ष हुने प्रचलन अनुसार मल्ल अध्यक्षमा निर्वाचित भएका हुन् ।
भावी अध्यक्षको रुपमा लिइने बरिष्ठ उपाध्यक्षमा हालका महासचिव सुवोध अधिकारी विर्नाचित भएका छन् । बरिष्ठ उपाध्यक्षमा उम्मेदवारी दिएका कुमार मल्लले उम्मेदवारी फिर्ता लिएपछि अधिकारी सर्वसम्मत भएका हुन् ।
त्यस्तै प्रथम उपाध्यक्षमा दिनेशकुमार श्रेष्ठ, द्वित्तिय उपाध्यक्षमा भिमलाल श्रेष्ठ र कोषाध्यक्षमा शिवओम मल्ल सर्वसम्मत निर्वाचित भएको निर्वाचन समिति संयोजक सरिता थापा भण्डारीले जानकारी दिइन् ।
त्यसैगरि बस्तुगत सदस्यमा अधिकृत विक्रेता संघ तनहुँको तर्फबाट लालप्रसाद प्रधान पनि सर्वसम्मत भएका छन् । एसोसियट्स सदस्यमा भने कसैको पनि उम्मेदवारी परेन । महासचिव भने अध्यक्षले मनोनयन गर्नेछन् ।
