तनहुँ । माघ १
नेपाली काँग्रेसले सदस्यताबाट निस्कासन गरेका पुर्व महामन्त्री गगन थापाको समुहको केन्द्रीय समितिमा तनहुँका चार जना समावेश भएका छन् । काठमाडौंमा नेपाली काँग्रेसको विशेष महाधविशेन आयोजना गरेर गगन थापाले आफुलाई सभापती घोषणा गरेका थिए ।
गगन थापाको समुहको महामन्त्रीमा तनहुँका प्रदिप पौडेल तथा केन्द्रीय सदस्यहरुमा ध्रुव वाग्ले, चिनु पोख्रेल र प्रकाश पन्थ समावेश भएका छन् । काँग्रेसको राजनीतिमा लागेदेखी सभापती शेरबहादुर देउवा निकट रहँदै आएका वाग्ले राष्ट्रिय सभाको सदस्यको आकांक्षी थिए ।
सभापती देउवाले गन्डकी प्रदेशबाट राष्ट्रिय सभामा शुक्लागन्डकीका जगत तिमिल्सेनलाई टिकट दिएपछि वाग्ले देउवासँग बिच्किएर गगन थापाको निकट भएका थिए । उनी विशेष महाधिवेशनको पक्षमा आन्तिममा खुलेका थिए । उनै वाग्ले गगनको समहुबाट खुल्ला तर्फको केन्द्रीय सदस्य चयन भएका छन् । यसैगरि महिलाबाट चिनु पोख्रेल र अपाङ्गता भएकाहरुको समुहबाट प्रकाश पन्थ केन्द्रीय सदस्य भएका छन् ।
पौडेल र वाग्ले भने यस अघि नै नेपाली काँग्रेसको निर्वाचित केन्द्रीय सदस्य थिए ।
