तनहुँ । माघ ११
आइतबार भएको राष्ट्रिय सभाको निर्वाचनमा गन्डकी प्रदेशबाट तनहुँका जगत तिमिल्सेना र गोरखाकी सम्झना देवकोटा बिजयी भएका छन् । गन्डकी प्रदेशमा रिक्त रहेको राष्ट्रिय सभाको सदस्यको लागि आइतबार पोखरामा निर्वाचन भएको थियो ।
उक्त निर्वाचनमा नेपाली काँग्रेसका उम्मेदवार तिमिल्सेनाले ५ हजार ३३ मतभार पाएका थिए । त्यस्तै नेकपा एमालेकी उम्मेदवार सम्झना देवकोटाले ५ हजार १४ मतभार पाइन् । राष्ट्रिय सभामा बिजयी हुने शुक्लागन्डकी नपा–७ का तिमिल्सेना प्रजातन्त्रवादी प्राध्यापक संघका सभापती हुन् ।
राष्ट्रिय सभाको निर्वाचनमा गन्डकी सहित सातवटै प्रदेशमा नेपाली काँग्रेस र नेकपा एमाले विच गठबन्धन भएको थियो ।
