तनहुँ । फागुन ३
आइतबार हिन्दु धर्मावलम्बीको महानपर्व महाशिवरात्री । महाशिवरात्रीको अवसरमा भक्तजनहरु शिव मन्दिरमा गएपछि उम्मेदवारहरु पनि मतदातालाई खोज्दै शिव मन्दिरमा पुगेका थिए ।
तनहुँ–१ र २ का अधिकांश उम्मेदवार मतदाता खोज्दै शिव मन्दिरमा पुगे । तनहुँ १ का नेपाली काँग्रेसका उम्मेदवार गोविन्द भट्टराई, राप्रपाका अभिषेक जोशी तथा क्षेत्र नम्बर २ का नेपाली काँग्रेसका उम्मेदवार शंकर भण्डारी तथा रास्वपाका उम्मेदवार श्रीराम न्यौपाने शिव मन्दिरमा पुगेर मतदातालाई भेट गरे ।
रास्वपाका क्षेत्र नम्बर २ का उम्मेदवार श्रीराम न्यौपानेले महाशिवरात्रीमा आफु क्षेत्र नम्बर २ को करिब १ दर्जन शिव मन्दिरमा पुगेको सामाजिक सन्जालमा जानकारी दिए ।
नेकपा एमालेका उम्मेदवारहरु मध्ये क्षेत्र नम्बर १ का भगवती न्यौपाने विहान व्यास ४ मा घरदैलो र दिउँसो पार्टी कार्यालयमा क्षेत्रीय कमिटिको बैठकमा व्यस्त भइन् भने क्षेत्र नम्बर २ का उम्मेदवार केदार सिग्देल ऋषिङ गाउँपालिकाको विभिन्न वडामा पुगे ।
