तनहुँ । फागुन ७
नेपाली कम्युनिष्ट पार्टी तनहुँ क्षेत्र नम्बर १ का उम्मेदवार विद्यानाथ ढकालले राष्ट्रिय स्वाधिनता, अखण्डता, सुशासन, रोजगारी र सुसंस्कृत सभ्य समाज निर्माणका लागि तारामा मतदान गर्न अनुरोध गरेका छन् ।
चुनावी अभियानको क्रममा विभिन्न स्थानका मतदातालाई सम्बोधन गर्दै ढकालले आफुले सदा तनहुँका जनताको सुख दुःखको साथी रहेको र समग्र विकासका साथ समृद्धिका स्वप्न द्रष्टा, सङ्घर्षशील जीवनका पर्याय, सालिन र इमानदार व्यक्तित्वको पहिचान बनाएको हुँदा तारा चिन्हमा मतदान गरि आफुलाई बिजयी गराउन अनुरोध गरे ।
उनले तनहुँको भुगोल, यहाँको इतिहाँस, यहाँको सामाजिक रहनसन, शिक्षा, स्वास्थ्य, भौतिक पुर्वाधार, खानेपानी लगायतको सबै विषयसँग आफु गहिरोसँग जानकार भएको बताए । ढकालले आफुले जनताको मन र भावना जित्नेगरि काम गर्ने बताए । तनहुँ क्षेत्र नम्बर १ मा साँच्चै जनताको मन जित्नेगरि, जनताको भावनाको कदर हुने गरि काम गर्ने उनको प्रतिबद्धता थियो । जसले यहाँको भुगोल बुझेको हुन्छ, त्यसले मात्रै काम गर्ने ढकालको भनाई थियो ।
तनहुँ जिल्ला भित्र आफुले विगतदेखी नै भ्रष्टाचार विरुद्ध आवाज उठाउँदै आएको भन्दै उनले आफ्नो परिचय जिल्लामा भ्रष्टाचार विरोधी अभियन्ताको रुपमा पनि भएको बताए । देशको स्वाधिनता र अखण्डताको अहिले खतरामा परेको हुँदा पुनः एकपटक स्वाधिनता र अखण्डताको रक्षाकोलागि लड्नुपर्ने अवस्था आउन सक्ने भन्दै ढकालले नेपाली कम्युनिष्ट पार्टीको नेतृत्वले मात्रै देशको स्वाभिमान र अखण्डताको रक्षा गर्ने बताए ।
भ्रष्टाचार र विसंगतीको अन्त्यसँगै देशभित्रै रोजगारीको सिर्जना हुनुपर्ने र कोही पनि रोगजारीकोलागि बिदेश जानुपर्ने बाध्यताको अन्त्य हुनुपर्ने भन्दै उनले त्यो विषय आफ्नो मुख्य एजेण्डा भएको बताए ।
