तनहुँ । जेठ १०
जिल्ला भानु नपा–४ निवासी अपाङ्गता भएका मुरली रानाभाटलाई लायन्स कल्ब अफ काठमाडौ सिद्धार्थ गौतम बुद्धले ह्विल चेयरउपलब्ध गराएको छ ।
क्लवका अध्यक्ष शंकर रानाभाटले आइतबार रानाभाटलाई उनकै निवासमा गएर उक्त ह्विल चेयर उपलब्ध गराएका थिए ।
अपाङ्गता भएका रानाभाट हिडडुल गर्न नसक्ने भएकोले उनलाई क्लवको तर्फबाट ह्विल चेयर उपलब्ध गराईएको भानु जन्मस्थल विकास समितिका पुर्व कार्यकारी निर्देशक समेत रहेका लायन्स कल्ब अफ काठमाडौ सिद्धार्थ गौतम बुद्धका अध्यक्ष रानाभाटले बताए ।
ह्विलचियर प्राप्त गरेपछि खुसी व्यक्त गर्दै रानाभाटले आर्थिक अभावले गर्दा ह्विलचियर किन्न नसक्दा ओछ्यानमै थुनिएर बस्नुपरेको भन्दै क्लवले घरमै आएर ह्विलचियर दिँदा नयाँ जीवन पाएको जस्तो लागेको बताए ।
