देवघाट । जेठ १९
सरकारले देवघाट क्षेत्र विकास समिति लगायत विभिन्न सात समितिका पदाधिकारीलाई पदमुक्त गरेको छ । विकास समिति गठन आदेश संशोधन गरी विगतका सरकारले गरेका नियुक्तिहरूलाई सरकारले पदमुक्त गरेको हो ।
देवघाट क्षेत्र विकास समिति सहित तारागाउँ विकास समिति, बौद्धनाथ क्षेत्र विकास समिति, पाटन संग्रालय विकास समिति, बौद्ध दर्शन प्रबद्र्धन तथा गुम्बा विकास समिति, हनुमानढोका दरबार विकास समिति र नेपाल पञ्चाङग निर्णायक विकास समितिका पदाधिकारीलाई एकैपटक पदमुक्त गरेको हो । ती विकास समिति पदमुक्त सम्बन्धी आदेशहरू सोमबार राजपत्रमा प्रकाशित गरिएको छ ।
यसअघि सरकारले अध्यादेशमार्फत विगतका राजनीतिक नियुक्तिहरू खारेज गरिसकेको छ । जसमा खुला प्रतिस्पर्धाबाट नयाँ नियुक्तिको प्रक्रिया अघि बढाइएको छ ।
