तनहुँ । जेठ २१
भिरबाट खसेर एक शुक्लागण्डकी नगरपालिकामा एक किशोरको मृत्यु भएको छ । शुक्लागण्डकी नगरपालिका वडा नम्बर–७, भोटेपानी बस्ने १७ वर्षीय अस्मित रानाको भिरबाट खसेर मृत्यु भएको भएको प्रहरीले जनाएको छ ।
जिल्ला प्रहरी कार्यालय तनहुँका प्रमुख टेकबहादुर कार्कीका अनुसार बुधबार राति अन्दाजी ११ः३० बजे शुक्लागण्डकी नगरपालिका–५, झरौटास्थित केही व्यक्तिहरूसँग मादक पदार्थ सेवन गरी बसिरहेको अवस्थामा राना पिसाब फेर्न भनी निस्किएका थिए ।
सोही क्रममा उनी जि.पि. कोइराला राष्ट्रिय श्वासप्रश्वास उपचार केन्द्र पछाडि रहेको झरौटा खोला सँगैको सिसौघारी भिरबाट करिब ९० मिटर तल खसेका थिए । भिरबाट खसेर गम्भिर घाइते भएका रानालाई घटनास्थलबाट तत्कालै उद्धार गरी राति १२ः२० बजे उपचारका लागि जि.पि. कोइराला राष्ट्रिय श्वासप्रश्वास उपचार केन्द्र ल्याइएको थियो ।
अस्पताल ल्याएलगत्तै उपचारकै क्रममा राति १२ः३५ बजे चिकित्सकले उनलाई मृत घोषणा गरेका थिए । घटनाका सम्बन्धमा प्रहरीले थप अनुसन्धान गरिरहेको छ ।
