चितवन । जेठ २१

देवघाट । चितवनको भरतपुर मनपा–१ बागेश्वरी स्थित योगी नरहरिनाथ आश्रम जारी कोटिहोम महायज्ञमा विहिबार कविता वाचन प्रतियोगिता सम्पन्न भएको छ । उक्त प्रतियोगितामा तनहुँका अंकित पाण्डे प्रथम भए । प्रथम भएका पाण्डेले नगद १० हजार रुपैयाँ प्राप्त गरेका छन् ।

प्रतियोगितामा दोस्रो भएका रत्ननगरका कबिर काफ्लेले नगद आठ हजार रुपैयाँ पाए भने तेस्रो भएकी झापाकी नविना भट्टराईले छ हजार रुपैयाँ नगद पुरस्कार प्राप्त गरिन् ।

त्यस्तै सान्त्वना भएका सोलुखुम्बुकी सुरक्षा भट्टराई र तनहुँका देवेन्द्र सापकोटाले चार÷चार हजार रुपैयाँ प्राप्त गरे । उक्त प्रतियोगितामा २५ जना प्रतियोगि सहभागी भएका थिए ।