दमौली, भदौ २७
अबैध लागू औषध गाँजा सहित दुई जना पक्राउ परेका छन् । मंगलबार आँबुखैरेनी गाउँपालिका–४ बेनिटार स्थित पृथ्वी राजमार्ग सडक खण्डमा मुग्लिन तर्फबाट आँबुखैरेनी तर्फ आउदै गरेको ग.२ ख. ७५७ नं. को (काठमाण्डौ–पोखरा) चल्ने यात्रुवाहक बसलाई रोकी चेकजाँच गर्ने क्रममा उक्त बसमा सवार कास्की जिल्ला पोखरा महानगरपालिका–९ बस्ने २६ बर्षिय सन्जय केसी र सोही ठाउँका २३ बर्षिय ईश्वर नेपालीको झोला भित्र १ केजी. ९०० ग्राम अबैध लागु औषध गाँजा फेला परेको प्रहरीले जानकारी दिएको छ ।
उक्त बरामद भएको हुँदा लागु औषध सहित पक्राउ परेका आरोपितहरुलाई तनहुँ जिल्ला अदालतबाट ७ दिनको म्याद थप अनुमती लिई थप अनुसन्धान भईरहेको प्रहरीले जनाएको छ ।
