दमौली, पुस २९
भूमि समस्या समाधान आयोग तनहुँको अध्यक्षमा गोविन्दराज सिलवाल नियुक्त भएका छन् । भूमि व्यवस्था, सहकारी तथा गरिबी निवारण मन्त्री बलराम अधिकारीले मन्त्रीस्तिरीय निर्णय गर्दै आयोगलाई पूर्णता दिएका छन् ।
भानु नपा–१ण् निवासी सिलवाल नेपाली काँग्रेसका नेता हुन् । नवनियुक्त अध्यक्ष सिलवालको सोमबार नै सपथ ग्रहण भईसकेको छ । उनी राष्ट्रपति रामचन्द्र पौडेल निकट नेता हुन् ।
अव आयोगमा नेकपा एमालेको भागमा परेका सदस्यहरुको नियुक्ती हुन बाँकी रहेको छ । अध्यक्षहरूले सम्बन्धित जिल्लामा गएर सदस्यमा नियुक्तहरूलाई सपथ गराउनेछन् ।
सरकारले यसअघि एमाले नेता हरि रिजालको अध्यक्षतामा आयोग गठन गरेको थियो । जिल्ला अध्यक्षको तलब सुबिधा सहसचिव सरह रहेको छ भने सदस्यले उपसचिव सरहको सेवा सुविधा प्राप्त गर्नेछन । आयोगको सदस्य सचिवको रूपमा जिल्ला समन्वय समितिका प्रमुख प्रशासकीय अधिकृतले काम गर्नेछन ।
