देवघाट । फागुन २०
सामुदायिक वन उपभोक्ता महासंघ स्थानिय महासंघ नेपाल देवघाटको प्रथम पालिका परिषद कार्यक्रम मंगलबार सम्पन्न भएको छ । सो कार्यक्रममा प्रमुख अतिथि देवघाट गाउपालिका उपाध्यक्ष भुवन सिं गुरुङले सामुदायिक वनहरुमा वर्षाै बोट विरुवाहरु रोप्ने गर्छ तर त्यसको संरक्षण भने नभएको गुरुङले बताए ।
वन डढेलो सम्बन्धि कार्यक्रम गरि जनतालाई सचेतना गर्न पर्ने गुरुङले बताए । सामुदायिक वनमा राम्रो घाँस पलाउँछ, च्याउ उम्रिन्छ भनी जानी जानी आगोलागी गराउने चलन भएको छ यसलाई कडा नियम गरि यस्ता व्यक्तिलाई पहिचान गरि कडा कार्वाही गर्नुपर्ने गुरुङले बताए । सामुदायिक वनको काम काठ काटि पैसा कमाउन मात्र नभई बनलाई सरक्षण, प्रवद्र्धन गर्नु सामुदायिक बनको अधिकार भएको हुँदा वनलाई जोगाउन पनि गुरुङले अनुरोध गरे । सामुदायिक वनले स्थानिय सरकारलाई कर तिर्न पनि उपाध्यक्ष गुरुङले अनुरोध गरे ।
सामुदायिक वन महासंघ तनहुँका अध्यक्ष विष्णुकुमार श्रेष्ठले सामुयिक वन महासंघका गतिविधिहरु पारदर्शी हुनुपर्ने बताए । पद लिनु ठुलो कुरा होइन पद लिएर जिम्मेवारी बहन गर्नु ठुलो कुरा रहेको श्रेष्ठले बताए । सामुदायिक वन महासंघ गण्डकी प्रदेशका सचिव केशवचन्द्र न्यौपानेले स्थानिय वनहरुलाई सरंक्षण गर्ने बन महांसघ छाता संगठन भएको बताए । यदि स्थानिय वनहरुलाई समस्या पर्छ भने त्यसमा गण्डकी प्रदेश वन महासंघ ढाल बनेर उभिने न्यौपानेले बताए । सामुदायिक वनहरु स्थानियको हक र अधिकारको विषयमा नियम र कानुन विपरित नगइ काम गर्न न्यौपानेले अनुरोध गरे । वन डढेलो गएको खण्डमा सामुदायिक वनका उपभोक्ताहरु एकजुट भई आफ्नै सम्पत्ति हो भनी वन आगोलागी बाट जोगाउन पनि न्यौपानेले अनुरोध गरे ।
स्थानिय वन महासंघका अध्यक्ष प्रविण कार्कीको अध्यक्षतमा सम्पन्न भएको उक्त कार्यक्रमको सञ्चालन स्थानिय वन महांसघका सचिव एलिजा अधिकारी क्षेत्रीले गरेकि थिइन् । सो कार्यक्रममा देवघाट गाउँपालिका भरिका सामुदायिक वनका समितिका पदाधिकारहरुको उपस्थिति भएको थियो ।
