तनहुँ । असार १७
आर्थिक वर्ष २०८१/०८२ को असार मध्यसम्म घिरिङ गाउँपालिकाको वित्तिय प्रगति ५६.१४ प्रतिशत रहेको छ । गाउँपालिकाका प्रमुख प्रशासकीय अधिकृत कृष्णप्रसाद ढकालका अनुसार घिरिङले कुल बजेटको ५६.१४ प्रतिशत वित्तिय प्रगति गरेको हो ।
घिरिङ गाउँपालिकाको आ.व २०८१/०८२ को कुल बजेट ५५ करोड ८ लाख १३ हजार रुपैयाँ रहेको थियो । त्यसमध्ये चालु तर्फ ३० करोड १५ लाख र पुँजिगत तर्फ २४ करोड ९२ लाख रहेको थियो । खर्च मध्ये चालु तर्फ ७४.५२ प्रतिशत र पुँजितत तर्फ ३३.९२ गरि जम्मा ५६.१४ प्रतिशत भुक्तानी भएको । असार महिनाको २० गतेसम्म पुजिँगत तर्फको योजनाको भुक्तानी दिन सकिने हुँदा पुजिँगत तर्फ भुक्तानी बढ्ने ढकालले बताए ।
चालु आ.व.मा घिरिङले २ करोड ७० लाख बेरुजु फस्र्यौट गरेको प्रमुख प्रशासकीय अधिकृत ढकालले बताए । उनका अनुसार बाँकी ६ करोड बेरुजु फस्र्यौट गर्ने प्रक्रिया पनि जारी रहेको छ । वडा स्तरका योजना मध्ये वडा नम्बर १ मा १६ वटा, वडा नम्बर २ मा १० वटा, वडा नम्बर ३ मा ३१ वटा, वडा नम्बर ४ मा १९ वटा र वडा नम्बर ५ मा १० वटा योजना सम्पन्न भई भुक्तानी भईसकेको र केही योजनाको भुक्तानीको क्रममा रहेको छ ।
त्यस्तै आन्तरिक आम्दानी तर्फ वडा नम्बर १ मा ७ लाख ८७ हजार, वडा नम्बर २ मा ५ लाख ५८, वडा नम्बर ३ मा ५ लाख २६ हजार, वडा नम्बर ४ मा ५ लाख ४३ हजार र वडा नम्बर ५ मा ३ लाख ४० हजार रहेको प्रमुख प्रशासकीय अधिकृत ढकालले बताए । आन्तरिक आम्दानी कम भएर सोचे अनुसार विकासको काम गर्न नसकिएको ढकालले बताए ।
