पूर्ण स्मृति सम्मान तथा पुरस्कारबाट पत्रकार खनाल सहित तीन जना सम्मानित हुने

Devghat Online

शेयर गरौ

दमौली, पुस ४

तनहुँ मिडिया नेटवर्क प्रालिद्वारा सञ्चालित शुक्लागण्डकी एफ.एम.९७.६ मेगाहर्जका तत्कालिन अध्यक्ष पूर्ण कुमार श्रेष्ठको स्मृतिमा स्थापित पूर्ण स्मृति शुक्लागण्डकी एफ.एम. सम्मान तथा पुरस्कारका लागि सम्मानित व्यक्ति छनौट गरिएको छ ।
जसअनुसार पत्रकारितातर्फ बिकास खनाल, साहित्यतर्फ सागर उदास र समाजसेवातर्फ नन्द थापा छनौट भएका छन् ।

तनहुँ जिल्ला भित्र क्रियाशिल रहेका मध्ये एक जना उत्कृष्ट पत्रकारिता क्षेत्रमा लागेका व्यक्ति, जिल्लामा साहित्यिक क्षेत्रमा सक्रिय रहेका व्यक्ति र शुक्लागण्डकी नगर क्षेत्रमा सामाजिक क्षेत्रमा सक्रिय व्यक्तिबाट उक्त सम्मान तथा पुरस्कृत व्यक्ति छनौट गरिएको एफएमका संस्थापक अध्यक्ष नारायणकुमार श्रेष्ठले जानकारी दिए ।

सम्मानित हुन लागेका पत्रकार खनाल एक दशक भन्दा अगाडि देखि पत्रकारितामा क्रियाशिल छन् । दमौलीबाट प्रकाशित हुने मादीसेती प्रवाह दैनिक बाट पत्रकारिता सुरुवात गरेका खनाल लामो समय स्तम्भकारको रूपमा कलम चलाउँथे । त्यसपछि दमौलि न्युज हुँदै बिएनबि अनलाइन, सेतीमादी दैनिक र प्राइम टेलिभिजन बाट खनालले पत्रकारिता गरिरहेका छन् । खनालले दमौली माहात्म्यमम पुस्तक समेत प्रकाशन गरेका छन् । तनहुँको म्याग्दे गाउँपालिका वडा नम्बर १ गुणादीमा जन्मेका खनाल हाल दमौलीमा बस्दै आएका छन् ।

यसैगरी साहित्यतर्फ सम्मानित हुन लागेका सागर उदास बिगत लामो समयदेखि साहित्यका विभिन्न विधामा कलम चलाउने गर्दछन् । उनका थुप्रै कविता संग्रह र कृति प्रकाशित छन् । सागर हाल दमौलीमा बस्दै आएका छन् । यस्तै समाजसेवातर्फ छनौट भएका शुक्ला २ माझदगाम निवासी नन्द थापाले यस क्षेत्रका विभिन्न सामाजिक संघसंस्थामा क्रियाशिल रहि नेतृत्वदायी भूमिका निर्वाह गरेका छन् ।

स्व. श्रेष्ठ सञ्चार व्यवसायसँगै, समाजसेवा र साहित्य क्षेत्रमा समेत सक्रिय रहेकाले ३ विधा छनौट गरिएको हो । हालै बसेको बैठकले पुरस्कृत व्यक्ति छनौट गरेको हो । रेडियोका शेयरधनी सदस्य, शुभेच्छुकबाट स्वतस्फूर्त र केहि रकम श्रेष्ठको परिवारबाट जम्मा गरि ३ लाख रुपैयाँको अक्षयकोष स्थापना गरिएको हो । सोहि रकमको ब्याजबाट प्राप्त आम्दानीले प्रत्येक वर्ष ३ विधामा क्रियाशिल व्यक्तिहरुलाई पुरस्कार प्रदान गरिने रेडियोले जनाएको छ ।

आगामी पुस ९ गते सोमबार दुलेगौंडामा आयोजना हुने विशेष कार्यक्रममा खनाल, उदास र थापालाई सम्मान गर्ने कार्यक्रम रहेको एफएमका अध्यक्ष ऋषेश्वर भुवाई ऋतुले जानकारी दिए । रेडियोको स्थापनामा महत्वपूर्ण भूमिका निर्वाह गरेका पूर्णको २०७८ जेठ १२ गते हृदयघातका कारण ४८ वर्षको उमेरमा निधन भएको थियो ।

प्रतिक्रिया दिनुहोस्

सम्बन्धित समाचारहरू

देवघाटमा जेष्ठ नागरिकलाई न्यानो कपडा वितरण गर्दा अनियमितता भएको ठहर

देवघाट, जेठ ३१ देवघाट गाउँपालिकामा जेष्ठ नागरिकलाई न्यानो कपडा वितरण गर्दा अनियमिता भएको महालेखा परिक्षण

राष्ट्रिय परिचयपत्र दर्तामा भिड गर्नु पर्दैन, ‘भाद्र मसान्तसम्म सामाजिक सुरक्षा भत्ता नविकरण गर्न सकिने’

दमौली, जेठ ३० गृह मन्त्रालय अन्तर्गतको राष्ट्रिय परिचयपत्र तथा पन्जिकरण विभागले भदौ मसान्तसम्म सामाजिक सुरक्षा