देवघाट, जेठ ३१
देवघाट गाउँपालिकामा जेष्ठ नागरिकलाई न्यानो कपडा वितरण गर्दा अनियमिता भएको महालेखा परिक्षण प्रतिबेदनले ठहर गरेको छ । आर्थिक वर्ष ०७९।०८० को लेखापरिक्षण प्रतिबेदनमा आवश्यक परिणा भन्दा बढि न्यानो कपडा खरिद गरि अनियमितता गरेको उल्लेख छ ।
देवघाट गाउँपालिकाले ७० वर्ष उमेर पुगेका जेष्ठ नागरिकलाई सम्मान तथा न्यानो कपडा वितरण कार्यक्रम अन्तर्गत जेष्ठ नागरिकको संख्या र लागत ईष्टीमेटको आधारमा न्यानो कपडा खरिद गरि वितरण गर्नुपर्नेमा सोझै १०८१ थान ज्याकेट रु. ९०९.६४ का दरले रु.९ लाख ८३ हजार ३ यस ३१ रुपैयाँमा खरिद गरि स्टोर दाखिला गरेको देखिएको प्रतिबेदनमा जनाईएको छ ।
गाउँपालिकाले ७३१ जना जेष्ठ नागरिकलाई १ थानको दरले ७३१ थान ज्याकेट वितरण गरेको भर्पाई लेखापरीक्षणको क्रममा पेश भएको र बाँकी ३५० थान स्टोर मौज्दात रहेको देखिएकोले बढी परिमाण खरिद गरी कार्यालयलाई प्रति ज्याकेट ८०५ रुपैयाँ र भ्याट रकम सहित कुल ३ लाख १८ हजार ३ सय ७८ रुपैयाँ अनियमित भएको महलेखा पर्रिक्षणको प्रतिबेदनमा उल्लेख छ ।
जेष्ठ नागरिक न्यानो कपडा आर्थिक कार्यविधि तथा वित्तिय उत्तरदायित्व ऐन, २०७६ को दफा २३ उपदफा ९२० मा सरकारी रकम खर्च गर्दा साधन स्रोतको उच्चतम प्रतिफल प्राप्त हुने र प्राप्त प्रतिफलको गुणस्तर समेत कायम हुने गरी मितव्ययी तरिकाले गर्नुपर्नेमा त्यसो नभएको प्रतिबेदनमा उल्लेख छ ।
