देवघाट, जेठ ३१
देवघाट गाउँपालिकाले आगामी आर्थिक वर्षको नीति तथा कार्यक्रमको लागि जनस्तरबाट सुझाव संकलन गर्ने भएको छ । त्यसको लागि गाउँपालिकाले आगामी असार २ गते आइतबार गाउँपालिकाको सभाहलमा सुझाव संकलन कार्यक्रम आयोजना गरेको छ ।
गाउँपालिकाको आगामी आ.व.को नीति, कार्यक्रम र बजेट तर्जुमा गर्न तथा देवघाट गाउँपालिकाले के कस्ता नीति तथा कार्यक्रम तर्जुमा गर्दा जनताहरुलाई प्रतक्ष्य रुपमा लाभान्वित गराउन सकिन्छ भन्ने विषयमा सुझाव संकलन कार्यक्रम राखिएको गाउँपालिकाका अध्यक्ष तिलबहादुर थापाले बताए ।
सो कार्यक्रममा गाउँपालिकाका क्रियाशिल सबै राजनीतिक दल, नागरिक समाज, टोल विकास संस्था, सरकारी तथा गैरसरकारी संस्था, सहकारी संस्था, उपभोक्ता समिति, विभिन्न जातिगत संघ संस्था तथा सन्जाल, धार्मिक तथा युवा क्लव र संस्था र आमा समुहहरुलाई उपस्थितीको लागि आमन्त्रण गरिएको अध्यक्ष थापाले बताए ।
