काठमाडौं । बैशाख १८
नेकपा (एमाले) ले पार्टीको आगामी विधान महाधिवेशनसम्ममा सदस्य संख्या ७ लाख ५० हजार पु¥याउने जनाएको छ। यस वर्षलाई पार्टीको आन्तरिक जीवनको वर्षको रूपमा लिएको र विधान महाधिवेशनसम्म पार्टी सदस्यता कुल मतदाताको ६ प्रतिशत पु¥याउने लक्ष्य लिएको संगठन विभाग सचिव माधव ढुंगेलले बताए ।
उनका अनुसार पार्टी सदस्यता यही वैशाखभित्र प्रदेश कमिटीलाई पठाउन निर्देशन दिएको छ। ‘नयाँ पार्टी सदस्यता र नवीकरण यही वैशाखभित्र सम्पन्न गरी प्रदेश कमिटीलाई बुझाउन जिल्ला कमिटीलाई निर्देशन दिएका छौँ,’ उनले भने, ‘त्यसपछि जेठको पहिलो सातासम्म प्रदेश कमिटीले केन्द्रीय कार्यालयमा सदस्यता विवरण बुझाउन भन्छौँ ।’
सचिव ढुंगेलले हाल पार्टी सदस्यता पाँच लाख ५० हजार रहेको जानकारी दिए। उनले भने, ‘आगामी विधान महाधिवेशनसम्म सात लाख ५० हजार पु–याउने हाम्रो लक्ष्य हो ।’ एमालेले आगामी भदौ २० देखि २२ गतेसम्म विधान महाधिवेशन तोकेको छ ।
