तनहुँ । चैत १७
नेपाली काँग्रेसका पुर्व केन्द्रीय सदस्यहरु शंकर भण्डारी, गोविन्द भट्टराई र आमन्त्रित केन्द्रीय सदस्य पुष्प पराजुली पुर्ण बहादुर खड्काको समुहमा खुलेका छन् ।
खड्का समुहले मंगलबार काठमाडौंको धुम्बाराहीमा राखेको देउवा पक्षिय भेलामा केन्द्रीय सदस्यको हैसियतमा भण्डारी, भट्टराई र पराजुली पनि सहभागी भएका हुन् । भट्टराई र भण्डारी काँग्रेसका सभापती गगन थापाको हस्ताक्षरमा तनहुँ क्षेत्र नम्बर १ र २ बाट प्रतिनिधि सभाको निर्वाचनमा उम्मेदबार बनेका थिए ।
गगन थापालाई सभापति अस्वीकार गर्दै पूर्णबहादुर खड्काले कार्यवाहक सभापतिको हैसियतमा १४ औँ महाधिवेशनबाट निर्वाचित कार्यसमितिको बैठक राखेका हुन् । बैठकमा तत्कालीन कार्यसमितिका पदाधिकारीसहित करिब ६० जनाभन्दा धेरै नेताहरू सहभागी छन् ।
भण्डारी, भट्टराई र पराजुली खड्का पक्षमा खुलेपछि नेपाली काँग्रेस तनहुँमा दुई गुट प्रष्ट देखिएको छ । उक्त समुहले आफ्नो पक्षमा बहुमत क्रियाशिल सदस्य रहेको दावी गरेको छ ।
