तनहुँ । जेठ १४
आगामी आर्थिक वर्ष २०८३/०८४ को बजेट शुक्रबार प्रस्तुत हुने भएको छ । संसदको दुबै सदनको संयुक्त बैठकमा आज अपरान्ह ४ बजे अर्थमन्त्री डा.स्वर्णिम वाग्लेले बजेट प्रस्तुत गर्ने कार्यक्रम रहेको छ ।
गत फागुन २१ गते भएको प्रतिनिधि सभाको निर्वाचनमा १८२ सिट सहित अत्याधिक बहुमत प्राप्त गरेको राष्ट्रिय स्वतन्त्र पार्टीको एकल सरकारले पहिलो पटक बजेट प्रस्तुत गर्दैछ । त्यसमाथि विश्व बैंक, एसियाली विकास बैंक लगायतका अन्तराष्ट्रिय वित्तिय संस्थामा विभिन्न पदमा काम गरिसकेका र राष्ट्रिय योजना आयोगको उपाध्यक्ष समेत भईसेका अर्थविद वाग्लेले अर्थमन्त्री भएपछि पहिलोपटक ल्याउने महात्वाकांक्षी बजेटलाई सबै क्षेत्रबाट चासोका साथ हेरिएको छ ।
बजेटको आकार कस्तो हुने भन्ने अघिल्लो दिनसम्म सार्वजानिक भएको छैन । अर्थमन्त्री वाग्ले तनहुँ क्षेत्र नम्बर १ बाट प्रतिनिधि सभामा निर्वाचित भएका थिए ।
