तनहुँ । असार २७
तनहुँ प्रहरीले अवैध रुपमा प्रकृतिक श्रोत साधन उत्खननमा संलग्न सवारी साधन नियन्त्रणमा लिएको छ ।
जिल्ला प्रहरी कार्यालय तनहुँ मातहतको इलाका प्रहरी कार्यालय बन्दीपुरबाट खटिएको प्रहरीले टोलीले शुक्रबार बन्दीपुर गाउँपालिका–५ ढाडगाँउ स्थित बन्दीपुर–धरमपानी भित्री सडक खण्डमा अवैध रुपमा ढुङ्गा उत्खननमा संलग्न १ वटा जेसिभि र १ वटा ट्याक्टर नियन्त्रणमा लिएको थियो ।
नियन्त्रणमा लिएका दुबै सवारी साधनलाई आवश्यक कारवाहीको लागी बन्दीपुर गाँउपालिकाको कार्यालय पठाइएकोमा गाउँपालिकाले जेसिभिलाई २० हजार रुपैयाँ र ट्याक्टरलाई १२ हजार रुपैयाँ गरि ३२ हजार रुपैयाँ जरिवाना गरी छाडिएको प्रहरीले जनाएको छ ।
