तनहुँ । बैशाख ९
भिमाद नगरपालिकाका संस्थापक मेयर मेखबहादुर थापाको निधनमा आज भिमाद नगरपालिकाले शोक बिदा दिएको छ । थापाको उपचारको क्रममा काठमाडौं स्थित किष्ट अस्पतालमा आईतवार निधन भएको थियो ।
संस्थापक मेयर थापाको निधन प्रति गहिरो दुख व्यक्त गर्दै भिमाद नगरपालिकाले आज अत्यावश्यक सेवा बाहेक अन्य सम्पुर्ण सेवामा बिदा दिने भएको नगरपालिकाका प्रमुख प्रशासकीय अधिकृत कमलप्रसाद पुनले जारी गरेको विज्ञप्तिमा जनाईएको छ ।
थापाको पार्थिव शरिर अन्तिम श्रद्धाञ्जलीको लागि सोमबार बिहान ११ बजे भिमाद नगरपालिकाको प्राङ्गणमा राखिने भएको छ ।
