तनहुँ । असार १९
बन्दिपुर केबलकार एण्ड टुरिजम लिमिटेडले सर्वसाधारण तथा आयोजना प्रभावित स्थानीयका लागि प्रारम्भिक सार्वजनिक निष्कासन (आइपिओ) स्वीकृत पाएको छ । कम्पनीले धितोपत्र बोर्डबाट आजै आइपिओ निष्कासनको स्वीकृति प्राप्त गरेको हो ।
कम्पनीले कुल २ करोड ८३ लाख कित्ता शेयरमध्ये ५८ लाख ६० हजार कित्ता शेयर सर्वसाधारणका लागि आइपिओ निष्कासन गर्न स्वीकृति पाएको हो । कम्पनीको जारी पुँजी २ अर्ब ८३ करोड रुपैयाँ रहेको छ भने यसमध्ये २०.७६७% हिस्सा सार्वजनिक निष्कासन हुनेछ ।
आइपिओ निष्कासनपछि कम्पनीको शेयर स्वामित्वमा सर्वसाधारणको २०.७६७ प्रतिशत र प्रवद्र्धक समूहको ७९.२९ प्रतिशत स्वामित्व रहनेछ । नेपाल एसबीआई मर्चेन्ट बैङ्किङ लिमिटेड यस आईपीओको इश्यू म्यानेजरको रूपमा रहेको छ ।
आइपिओ स्वीकृत भएको जानकारी सार्वजनिक गर्दै कम्पनीले बन्दिपुर क्षेत्रको पर्यटन तथा केबलकार व्यवसायलाई अझ विस्तार गर्ने उद्देश्य रहेको जनाएको छ ।
