दमौली, चैत १४
आगामी बैशाख १५ गते इलाम क्षेत्र नम्बर २ मा हुने उपनिर्वाचनमा उम्मेदबार बन्न राष्ट्रिय स्वतन्त्र पार्टीबाट ६ जनाले पार्टीमा उम्मेदबारी दिएका छन् ।
उपनिर्वाचनमा राष्ट्रिय स्वतन्त्र पार्टीका तर्फबाट भाग लिने उम्मेदबार चयन गर्न पार्टीको विधानको धारा ७१ बमोजिम सन्चालन गरिने प्रराम्भिक निर्वाचनमा भाग लिन ६ जनाले पार्टीमा उम्मेदबारी दिएको रास्वपाका केन्द्रिय निर्वाचन आयोगका सचिव भुमिनन्द बरालले जनाएका छन् ।
पार्टीमा उम्मेदबारी दिनेमा तनहुँका डा.शेषरमण न्यौपाने पनि रहेका छन् । उनी बाहेक गोकुल बहादुर राई, जमुना शर्मा, महेन्द्रकुमार थापा, मानबहादुर घिमिरे र मिलन लिम्बु रहेका छन् ।
