तनहुँ । माघ २५
भिमाद नगरपालिकामा नेकपा एमालेको प्रचार प्रसार कार्यालय स्थापना गरिएको छ । वडा नम्बर ६ को क्याम्पस रोडमा स्थापना गरिएको उक्त कार्यालयको नेकपा एमालेका केन्द्रीय सदस्य, तनहुँ जिल्ला इन्चार्ज एवं प्रतिनिधि सभा तनहुँ क्षेत्र नम्बर २ का उम्मेदवार केदार सिग्देलले आइतबार उद्घाटन गरे ।
उक्त कार्यक्रमलाई सम्बोधन गर्दै तनहुँ क्षेत्र नम्बर २ का उम्मेदवार सिग्देलले भिमाद नगरपालिकाको विकासमा एमालेको नेतृत्वको सरकारले धेरै काम गरेको बताए । आफु विगतमा सांसद हुँदा भिमादको पुर्वाधार विकास, शिक्षा, स्वास्थ्य, खानेपानी, कृषि तथा खेलकुँदको विकासमा धेरै उल्लेखनीय काम गरेको बताए । आफुले सांसदको रुपमा काम गर्दा यहाँका जनताको हितमा काम गरेको भन्दै सिग्देलले फेरी एक पटक भिमादको विकासमा काम गर्ने चाहान रहेको बताए ।
सिग्देलले जनतासँगको सुमधुर सम्बन्ध नै आफ्नो जितको आधार भएको दाबी गरेका छन् । आफू टुरिष्ट उम्मेदवार नभएकाले भिमादका जनताको समस्या र समाधानबारे जानकार रहेको उनको भनाइ छ । समस्या र समाधानसँग परिचित भएकाले विकास निर्माणसँगै शुसासनका निम्त्ति योगदान पु¥याउन सक्ने सिग्देलले बताए ।
‘मैले भिमादको भुगोल नचिनेको कहीँ छैन, ५० वर्ष देखी यही क्षेत्रमा काम गरेको छु ।’ ‘मेरो क्षेत्रमा नजानेको, नचिनेको कुनै वडा छैन । म टुरिष्ट पनि होइन । म यहींको रैथाने आदिवासी हुँ । जो यहाँ पहिल्यैदेखि बसोबास गरेर काम गरेको छ राजनीतिक रुपमा आदिवासी हो म’, उनले भने, ‘त्यसैले मलाई सबै समस्या पहिचान छ । यसलाई कसरी समाधान गर्न सकिन्छ भन्ने कुराको पनि जानकारी छ । मैले यो क्षेत्रको विकास निर्माण र यो ठाउँको शुसासनका निम्त्ति योगदान गर्न सक्छु भन्ने नै मेरो मूल आधार हो ।’
‘मेरो उम्मेदवारी हिजो २०७४ सालदेखि गर्दा अधुरा कामलाई सम्पन्न गराउनुपर्नेछ । कतिपय नयाँ कामका निम्ति पनि जनताको भावना वा माग अनुसारका कामलाई नेतृत्व गर्नुपर्नेछ’, सिग्देलले भने, ‘नयाँ कामको थालनी गर्नका लागि पनि म कटिबद्ध भएर लाग्नेछु । यसको साथसाथै यस क्षेत्रमा गर्नुपर्ने कामका साथसाथै देशको सिंगो राजनीति अलिकति अलि जटिल ढंगबाट गुज्रिराखेको छ ।’
उक्त कार्यक्रममा नेकपा एमाले गन्डकी प्रदेश कमिटिकी सदस्य शारदा खनाल, भिमाद नगर कमिटिका अध्यक्ष इमान थापा लगायतले मन्तव्य राखेका थिए ।
