माल्टा,अगष्ट २२
रोजगारीका सिलसिलामा युरोपको माल्टामा हरेका नेपाली मजदुरहरुको समुहले दुई मृगौला पीडितलाई आर्थिक सहयोग गरेका छन् ।गत ९ महिना अघि युएइबाट माल्टा आएका तेज विक्रम खड्काले ह्वाट्एप समूह बनाई रकम संकलन गरेका हुन् ।
समूहबाट नेपाली सत्तरी हजार रुपैयाँ संकलनगरी नेपाल काठमाडौंकी दिल माया थापा मगर र दाङका नरेन्द्र बहादुर जिसिलाई जनही सैतीस हजार पाँच सय,सैतीस हजार पाँच सय उपचारको सहयोग गरिएको समूह सञ्चालक खड्काले जानकारी दिएका हुन् ।
विगत केही बर्ष देखी मृगौला फेल भएको दुई जनाकै आर्थिक अवस्था कमजोर भएको कारण उपचारमा समस्या हुँदा परिवारले सहयोगको अपिल गरेसँगै माल्टा रहेको नेपाली मजदुरहरुले रकम जुटाइएको उनको भनाई छ ।
माल्टामा नेपालीहरुको समस्याहरुमा सहयोग पुग्ने देखेर यस समूहको निर्माण गरेको उनी बताउछन् । हाल सम्म यस समूहबाट माल्टामा समस्यामा रहेका नेपालीहरुको समस्या समाधानमा सहयोग पुग्दै आइरहेकाले अझै साथीहरुलाई यस समूहमा जोडिन समेत खड्काले आग्रह गरेका छन् ।
