तनहुँ । असार २४
आदिकवि भानुभक्त आचार्यको २१२ औं जन्मजयन्ती तनहुँमा विभिन्न कार्यक्रम गरि मनाइने भएको छ । भानु नगरपालिका अन्तर्गतको आदिकवि भानुभक्त जन्मस्थल विकास समितिको आयोजनामा आगामी असार २६ गतेदेखी असार २९ गतेसम्म विभिन्न कार्यक्रम गरि भानु जयन्ती मनाइने भएको हो ।
असार २६ गते विहान भानु नगरपालिकाको कार्यालय भन्सारमा रक्तदान तथा दिउँसो ११ बजे प्रदेश अस्पताल दमौलीमा विरामीहरुलाई फलफुल वितरण कार्यक्रम गरिने भएको छ । यस्तै असार २७ गते चुँदी रम्घामा स्थानीय मठ मन्दिरमा पुजापाठ र साँझ दिपावली गरिनेछ ।
असार २८ गते विहान जन्मस्थल विकास समितिको कार्यालयमा विद्यालय स्तरीय खुल्ला कविता प्रतियोगिता, भानुभक्तको चित्रलेखन प्रतियोगिता र भानुभक्तीय रचना वाचन तथा प्रतियोगिता हुने भएको छ ।
असार २९ गते बिहान चुँदी रम्घामा प्रभातफेरी कार्यक्रम, भानुको प्रतिमामा माल्र्यापण कार्यक्रम, पन्चकन्याबाट रामायण बाचन तथा दिउँसो गन्डकी प्रदेशका मुख्यमन्त्री सुरेन्द्रराज पाण्डेको प्रमुख आतिथ्यतामा मुख्य कार्यक्रम, झाँकी प्रर्दशनी, कविगोष्ठी, श्रद्धान्जली कार्यक्रम तथा पुरस्कार वितरण कार्यक्रम गरिने भएको छ ।
