तनहुँ । माघ १५
विहिबार विहान म्याग्दे गाउँपालिका–१ गुणादी स्थित पृथ्वीराजमार्गमा स्कुटर दुर्घटना हुँदा एक महिलाको मृत्यु भएको छ । मृत्यु हुनेमा स्कुटर पछाडि सवार रहेकी जिल्ला चितवन भरतपुर मनपा–१६ बस्ने बर्ष २७ की सुमित्रा थापा मगर रहकी छिन् ।
दुर्घटनामा गम्भिर घाइते भएकी उनको प्रदेश अस्पताल दमौलीमा उपचारको क्रममा मृत्यु भएको प्रहरीले जनाएको छ ।
पोखराबाट दमौली तर्फ आउदै गरेको ग १२ प ४७६९ नम्बरको स्कुटर चालकले नियन्त्रण गुमाई सडकमा पल्टेर दुर्घटना भएको थियो । उक्त दुर्घटनामा स्कुटर चालक म्याग्दे गापा–३ पसले का २७ वर्षिय पुरन राना मगर घाइते भएका छन् । उनको प्रदेश अस्पताल दमौलीमा उपचार भईरहेको प्रहरीले जनाएको छ ।
