देवघाट, असार ६
देवघाट गाउँपालिकाले बैदेशिक रोगजारीबाट फर्केका उद्यमशिल युवालाई अनुदान दिने भएको छ । देवघाट गाउँपालिकाले गत जेठ पहिलो साता सुचना प्रकाशन गरि बैदेशिक रोजगारीबाट फर्केका उद्यमशिल युवाहरुलाई गाउँपालिकाले दिने अनुदान कार्यक्रममा सहभागी हुन आह्वान गरेको थियो ।
श्रम रोजगार तथा साामजिक सुरक्षा मन्त्रालय, बैदेशिक रोजगार बोर्डको सचिवालय र देवघाट गाउँपालिकाको साझेदारीमा चालु आर्थिक वर्षको कार्यक्रम अनुसार बैदेशिक रोजगारबाट फर्किएर आफ्नै गाउँमा उद्यम सन्चालन गरि बसेका २५ देखी ५० वर्ष उमेर भित्रका तथा रोजगार सेवा केन्द्रमा सुचिकृत युवाहरुलाई लक्षित गरि अनुदान कार्यक्रम ल्याएको थियो ।
उक्त अवधिमा निबेदन दिने मध्ये सबै कागजपत्र र प्रक्रिया पुरा भएका ३३ जना युवाहरुलाई न्युनतम ४६ हजार देखी अधिकमत ७० हजार रुपैयाँ सम्म अनुदान उपलब्ध गराउन छनौट गरिएको गाउँपालिकाका प्रमुख प्रशासकीय अधिकृत रमेश सुवेदीले बताए ।
छनौट भएका युवाहरुले तिन दिन भित्र गाउँपालिकामा उपस्थित भई अनुदान सम्झौता गर्नु पर्ने सुवेदीले जानकारी दिए । अनुदानकोलागि छनौट भएका मध्ये अधिकाशं कृषि तथा पशुपन्छी फर्म सन्चालन गर्ने युवाहरु रहेका छन् ।
