तनहुँ । पुस १३
जिल्ला प्रहरी कार्यालयले जेनजी आन्दोलनको क्रममा गत भदौ २४ गते राती तनहुँ कारागारबाट भागेका आठ जना कैदीबन्दीलाई पक्राउ गरेको छ ।
जिल्ला प्रहरी कार्यालय तनहुँ तथा मातहतका प्रहरी चौकीबाट खटिई गएको प्रहरी टोलीले जेनजी समुहको आन्दोलनको क्रममा कारागार तोडफोड गरी भागेका थुनुवा तथा कैदीहरुलाई पक्राउ गरी लगत कट्टाका लागि जिल्ला अदालत पेश गरिएको जिल्ला प्रहरी कार्यालयले जनाएको छ ।
पक्राउ पर्नेहरुमा अपराधिक उपद्रब मुद्धाका ऋषिङ गाउँपालिका–१ बस्ने सुमन सारु, चेक अनादर मुद्धाका व्यास नपा–१३ बस्ने सावित्री पाण्डे, अबैध वन्यजन्तु रतुवामृग चोरी सिकारी मुद्धाका भिमाद नपा–३ बस्ने सन्त बहादुर नेपाली र सोही मुद्धाका सोही ठाउँकी खगिसरा बिक र अन्जु नेपाली, चेक अनादर मुद्धाका घिरिङ गापा–२ का तिल बहादुर श्रेष्ठ बैंकिङ कसु मुद्धाका व्यास नपा–३ बस्ने वर्ष ३४ का जोशनाबानु राना रहेका छन् ।
यसैगरि जेनजी समुहको आन्दोलनको क्रममा कारागार कार्यालय तनहुँ तोडफोड गरी भागेका बलात्कार मुद्धाका कैदी शुक्लागण्डकी नपा–१० घर भई हाल भिमाद गापा–९ बस्ने २७ बर्षिय प्रकाश विकलाई पनि पक्राउ गरेको छ । पक्राउ परेका उनलाई कैद भुक्तानको लागि जिल्ला कारागार तनहुँमा बुझाईएको प्रहरीले जनाएको छ ।
